Нар мандахдаа бүгдийн дээр илчээ адилхан тусгадаг. Амьдралд тохиолдох хэцүү асуудлыг бараан үүл гэж төсөөлвөл тэнгэрийг бүрхсэн тэр бараан үүл түр зуурынх гэдгийг хэзээ ч бүү март. Учир нь ямар ч үүлний цаана нар үүрд мөнх үргэлж байж байдаг. Нар өөрөө хэзээ ч хөдөлж явдаггүй учир нарыг бидний амьдралын бяцхан жаргал хэмээе. Өөрөөр хэлвэл аз жаргал биднийг орхин одож зовлон гуниг нь үргэлж биднийг отоод байдаг юм биш. Биднийг улам хүчирхэгжүүлж ухаалаг амьдруулах гэсэндээ зовлон бэрхшээл гарч ирдэг юм болвуу.  Тиймээс тулаад ирэх асуудлыг даван туулж байгаарай гэж өчүүхэн би өчин хэлье.  Цаг хугацаа харавсан сум мэт нисэн одох учраас өдөр бүр цаг тутамд минут бүрийд цаг хугацааг дэмий үрэлгүйгээр ухаалаг байхыг хамтдаа хичээцгээе. би ч бас хичээнэ