Дулаахан салхитай жирийн тэр өдөр
Дэндүү сайхан чамайгаа харчихаад
Дурласнаа мэдэхгүй алхаж явахдаа
Дөлгөөхөн харцыг нь төсөөлөн алхсан

Зүрх ингэж өвддөг гэдгийг
Зөгнөсөн бишдээ мэдээгүй явлаа
Зүггүй хөөрхөн зангаас чинь болж
Заримдаа чамайгаа хардах юм

Хайрын тухай шүлэг бичихдээ
Хагацал байдгыг бичилгүй өнгөрөөлөө
Хонгорхон чинийхээ яриаг сонсохдоо
Хос болсон мэт мөрөөдөн мэлмэрсэн

Дурлаж үзэхсэн гэж бодож байхдаа
Даанч гоёор төсөөлж байжээ
Дассан сэтгэл минь хайр болсныг
Дөнгөж саяхан би мэдэрлээ